بلاعنوان۔۔۔😂!

پپو میاں کی بارات روانہ ہونے میں صرف آدھا گھنٹہ باقی تھا کہ اچانک گھر میں کہرام مچ گیا۔ پتہ چلا کہ پپو کا وہ شاہی سہرا جو خاص طور پر آرڈر دے کر بنوایا گیا تھا وہ بشیر صاحب کی پالتو بکری چبا گئی ہے۔ بشیر صاحب غصے میں بکری کے پیچھے بھاگ رہے تھے اور پپو کمرے میں سر پکڑ کر بیٹھ گیا کیونکہ بغیر سہرے کے وہ دولہا کم اور ویٹر زیادہ لگ رہا تھا۔
وقت ہاتھ سے نکلا جا رہا تھا اور بینڈ والے دروازے پر دھمال ڈال رہے تھے۔ بشیر صاحب نے ایمرجنسی میٹنگ بلائی اور پپو کے چھوٹے بھائی کو حکم دیا کہ جاؤ جلدی سے بازار سے نیا سہرا لاؤ۔ مگر افسوس کہ اس دن شہر میں ہڑتال تھی اور تمام دکانیں بند تھیں۔ اب مسئلہ یہ تھا کہ پپو کا ماتھا اتنا چوڑا تھا کہ بغیر سہرے کے وہ کسی ریٹائرڈ ہیڈ ماسٹر جیسا لگ رہا تھا۔
عین اسی وقت بشیر صاحب کی نظر میز پر پڑے ایک زرق برق لیس والے سرخ میز پوش پر پڑی جو حال ہی میں دبئی سے آیا تھا۔ بشیر صاحب نے کسی کی نہ سنی اور فوراً قینچی چلا کر اس میز پوش کو سہرے کی شکل میں کاٹ دیا اور پپو کے ماتھے پر چپکا کر اوپر سے گوند لگا دی۔ پپو بیچارہ احتجاج کرتا رہ گیا مگر بشیر صاحب نے اسے دھکا دے کر گھوڑی پر بٹھا دیا اور بارات روانہ ہو گئی۔
تباہی تب شروع ہوئی جب بارات سسرال پہنچی۔ وہاں پنکھے اتنے تیز چل رہے تھے کہ میز پوش کی لیسیں پپو کی آنکھوں میں گھسنے لگیں۔ پپو نے خارش مٹانے کے لیے ہاتھ مارا تو وہ میز پوش کی گوند پپو کے ابروؤں کے ساتھ ایسی چپکی کہ اس کا پورا چہرہ ٹیڑھا ہو گیا۔ سسرالی سمجھ رہے تھے کہ شاید دولہا میاں کو خوشی کے مارے دورے پڑ رہے ہیں۔
اصل قیامت تب ٹوٹی جب کھانے کے دوران ایک چھوٹے بچے نے شور مچایا کہ ارے دیکھو دولہا نے تو ہماری نانی والا میز پوش سر پر باندھا ہوا ہے جس پر ابھی بھی سالن کا ایک پرانا دھبہ موجود ہے۔ یہ سننا تھا کہ سب کی نظریں پپو کے سر پر جم گئیں۔ پپو نے شرم کے مارے سہرا اتارنے کی کوشش کی تو اس کے اصلی ابرو بھی میز پوش کے ساتھ ہی اکھڑ کر ہاتھ میں آ گئے۔
پپو میاں ادھی بھنوؤں کے ساتھ اسٹیج پر بیٹھے رو رہے تھے اور ادھر سالیوں نے موقع پا کر میز پوش کو کھینچ لیا جس کی وجہ سے پپو کا توازن بگڑا اور وہ سیدھا قورمے کی بڑی دیگ میں جا گرے۔ رخصتی تو کیا ہوتی باراتیوں کو پپو کو دیگ سے نکال کر ہسپتال لے جانا پڑا کیونکہ میز پوش کی لیسیں پپو کے گلے میں پھنس گئی تھیں۔ بشیر صاحب آج بھی اس میز پوش کو دیکھ کر کانپنے لگتے ہیںجبکہ پپو شادی کا نام سنتے ہی سر پر پٹی باندھ لیتا ہے۔😂😂