گدھا اور گھوڑا
ایک دفعہ کا ذکر ہے کہ ایک کسان کے پاس ایک گھوڑا اور ایک گدھا تھا۔ گھوڑا خوبصورت، تیز رفتار اور مضبوط تھا، جبکہ گدھا دن بھر بوجھ اٹھانے والا محنتی جانور تھا۔ گدھے کے دل میں ایک شکوہ برسوں سے پل رہا تھا۔ وہ اکثر خود سے کہتا:“یہ کیسا انصاف ہے؟ گھر کا سارا بھاری کام میں کرتا ہوں۔ لکڑیاں میں اٹھاتا ہوں، بوریاں میں ڈھوتا ہوں، سامان میں لاتا ہوں، مگر محبت ساری گھوڑے کو ملتی ہے۔” اسے سب سے زیادہ دکھ اس بات کا ہوتا تھا کہ جب بھی مالک کہیں دور سفر پر جاتا یا شکار کے لیے نکلتا، ہمیشہ گھوڑے کو ساتھ لے جاتا۔روانگی سے پہلے گھوڑے کی خوب صفائی کی جاتی، اس کی ایال سنواری جاتی، زین کَسی جاتی اور مالک بڑے فخر سے اس پر سوار ہو کر نکلتا۔ گدھا ایک کونے میں کھڑا یہ سب دیکھتا رہتا اور دل ہی دل میں…
ایک کروڑ ڈالر 😂
سیاحوں کا ایک گروپ مگرمچھوں کے فارم کی سیر کر رہا تھا۔ سب لوگ جھیل کے درمیان بنے ایک محفوظ تیرتے پلیٹ فارم پر کھڑے تھے۔ اچانک فارم کے مالک نے اعلان کیا: ’’جو شخص مگرمچھوں سے بھری اس جھیل میں چھلانگ لگا کر بحفاظت کنارے تک پہنچ جائے گا، اسے ایک کروڑ ڈالر انعام دیا جائے گا!‘‘ سب لوگ خاموش ہوگئے۔ کوئی اپنی جان خطرے میں ڈالنے کو تیار نہ تھا۔ اچانک ایک آدمی نے پانی میں چھلانگ لگا دی۔ مگرمچھ اس کے پیچھے لپکے، لیکن قسمت اچھی تھی کہ وہ بحفاظت کنارے تک پہنچ گیا۔ فارم کے مالک نے خوش ہو کر اعلان کیا: ’’یہ شخص ایک کروڑ ڈالر کے انعام کا حق دار ہے!‘‘ انعام لینے کے بعد وہ شخص اپنی بیوی کے ساتھ ہوٹل واپس آیا۔ کمرے میں پہنچتے ہی اس نے غصے سے کہا: ’’میں نے اپنی مرضی سے چھلانگ نہیں لگائی تھی! کسی نے…
سچی نیت اور بادشاہ کا انعام
ایک پرانے اور خوبصورت شہر میں ایک غریب لکڑہارا رہتا تھا جس کا نام رحمت تھا۔ رحمت صبح سویرے جنگل جاتا، سوکھی لکڑیاں کاٹتا اور انہیں بازار میں بیچ کر اپنے بوڑھے والدین اور بیوی بچوں کا پیٹ پالتا تھا۔ وہ انتہائی ایماندار اور خدا ترس انسان تھا، کبھی کسی کو دھوکہ نہیں دیتا تھا۔اس شہر کا بادشاہ بہت انصاف پسند تھا، لیکن وہ اکثر عام لباس پہن کر شہر کے حالات کا جائزہ لینے نکلتا تھا۔ ایک دن، جب رحمت جنگل میں لکڑیاں کاٹ رہا تھا، تو اچانک آسمان پر کالے بادل چھا گئے اور موسلا دھار بارش شروع ہو گئی۔ رحمت بارش سے بچنے کے لیے ایک پرانے اور ویران غار کی طرف بھاگا۔غار کے اندر اندھیرا تھا، لیکن جب رحمت اندر داخل ہوا تو اسے کونے میں ایک پرانی لکڑی کا صندوق نظر آیا۔ اس نے تجسس سے صندوق کھولا تو وہ حیرت سے دنگ رہ گیا!…
بوڑھا خرگوش اور چوہا
جنگل کے ایک سرسبز کونے میں ایک بوڑھا خرگوش رہتا تھا۔ بڑھاپے کے باوجود وہ محنت سے جی نہیں چراتا تھا۔ اس نے اپنے پنجوں سے زمین نرم کی، بیج بوئے، پانی دیا اور کئی مہینوں کی محنت کے بعد گاجروں کا ایک خوبصورت کھیت تیار کر لیا۔ مگر مسئلہ یہ تھا کہ جنگل کے جانور جب وہاں سے گزرتے تو کوئی گاجریں کھا جاتا، کوئی پودوں پر پاؤں رکھ دیتا، کوئی کھیلتے کھیلتے فصل روند دیتا۔ شام تک خرگوش آدھی فصل تباہ دیکھتا، مگر خاموش رہتا۔ وہ جانتا تھا کہ جھگڑے سے فصلیں نہیں بچتیں۔آخر اس نے بڑی محنت سے پورے کھیت کے گرد مضبوط لکڑیوں کی باڑ بنا دی۔ اب جانوروں کا اندر جانا بند ہو گیا۔ لیکن جنگل میں ایک نوجوان چوہا بھی رہتا تھا۔وہ اپنی شرارتوں اور اکڑ کی وجہ سے مشہور تھا۔ اسے دوسروں کو تنگ کرنے میں عجیب لطف آتا تھا۔ اسے جب معلوم…
محبوبہ کی چپل
ایک لڑکا جس لڑکی کو پسند کرتا تھا، ایک دن اس سے کہنے لگا: “مجھے کوئی ایسی چیز تحفے میں دے دو جسے میں ساری زندگی اپنے پاس سنبھال کر رکھ سکوں۔” لڑکی نے اپنی چپل کا نچلا حصہ اتار کر اسے دے دیا۔ لڑکا وہ حصہ لے کر سنار کے پاس گیا اور بولا: “اس کے لیے چاندی کا خوبصورت فریم بنا دو اور اسے اس میں جڑ دو۔” سنار نے کہا: “کل آ کر لے جانا۔” اگلے دن جب لڑکا اپنا تحفہ لینے پہنچا تو سنار نے حیرت سے پوچھا: “بھائی! یہ کس پیر صاحب کی چپل ہے؟” لڑکے نے جواب دیا: “یہ کسی پیر صاحب کی نہیں، میری محبوبہ کی چپل ہے!” یہ سنتے ہی سنار غصے سے بولا: “او مجنوں کی اولاد! کل سے میرا پورا خاندان اس چپل کو چوم چوم کر پاگل ہو چکا ہے!” 😂🤣
دانت اور ڈھکن 😄
شادی کا موقع تھا، ہم سب کزن بیٹھے تھے۔ یکدم ممانی دوائی کی شیشی تھامے وارد ہوئیں: “ارے لڑکوں ذرا یہ بوتل تو کھول دو” طبع آزمائی شروع ہو گئی۔ جب ایک لڑکا ناکام ہوتا تو دوسرا بڑے ہی کانفیڈنس سے کوشش کرتا مگر بے سود۔ لڑکیاں ہماری کیفیت دیکھ کر مسکرائے جا رہی تھیں۔ لڑکوں نے طاقت کی انتہا لگا دی لیکن ڈھکن تھا کہ کھلنے کا نام ہی نہ لے رہا تھا۔ بوتل گھومتے گھومتے میرے پاس آ گئی۔ اس کی نگاہیں مجھ پر جمی تھیں، انجانی طاقت محسوس کرنے لگا۔ ہاتھوں سے زور لگایا۔۔ مگر بے سود۔ اس کی آنکھوں میں تحقیر نظر آنے لگی۔ جوش سر چڑھنے لگا تو منہ سے ڈھکن کھولنے لگا، زور لگایا، یکدم کٹک کی آواز آئی۔ اب ڈینٹسٹ کے پاس بیٹھا ہوا ہوں، نیا دانت لگنا ہے
باپ کی سب سے قیمتی وراثت
بہت پہلے کی بات ہے۔ ایک شخص کے چار بیٹے تھے۔ وہ سب طاقتور، محنتی اور بہادر تھے، مگر افسوس کہ ایک دوسرے کے سب سے بڑے دشمن بھی تھے۔ وہ ایک ہی چھت کے نیچے رہتے، ایک ہی دسترخوان پر کھانا کھاتے، لیکن ان کے دلوں کے درمیان نفرت کی ایسی دیوار کھڑی ہو چکی تھی جسے کوئی نصیحت گرا نہ سکتی تھی۔ ہر صبح کسی نہ کسی بات پر جھگڑا ہوتا، ہر شام نئی ناراضی جنم لیتی، اور ہر رات باپ بے بسی سے یہ سب دیکھتا رہتا۔ وہ جانتا تھا کہ جس گھر سے اتفاق اٹھ جائے، وہاں دولت، طاقت اور وراثت بھی زیادہ دیر سلامت نہیں رہتیں۔ ایک شام اس نے چاروں بیٹوں کو اپنے پاس بلایا۔ اس کی آواز میں کمزوری تھی، مگر الفاظ میں برسوں کی حکمت۔ “بیٹو! آج میں تم سے ایک آخری کام کہنا چاہتا ہوں۔” چاروں خاموشی سے اس کے سامنے…
بادشاہ کا عقل مند وزیر اور بے وقوف سپاہی
بہت پرانے زمانے کی بات ہے۔ ایک چھوٹی سی ریاست میں سلطان جلال الدین حکومت کرتا تھا۔ وہ ایک نیک دل مگر کچھ بھلکڑ بادشاہ تھا۔ اس کے دربار میں ہر قسم کے لوگ موجود تھے۔ کوئی عقل مند تھا تو کوئی خوشامدی، کوئی بہادر تھا تو کوئی ایسا بھی تھا جسے دیکھ کر عقل بھی اپنا راستہ بدل لیتی تھی۔ انہی لوگوں میں ایک سپاہی بھی تھا جس کا نام فیقو خان تھا۔ فیقو خان شکل و صورت سے تو بڑا رعب دار تھا۔ لمبا قد، گھنی مونچھیں، سر پر بڑی سی پگڑی اور کمر سے لٹکتی ہوئی تلوار۔ لیکن اس کی عقل کا حال یہ تھا کہ اگر اسے کوئی کہتا کہ سامنے والے دروازے سے باہر نکل جاؤ تو وہ پہلے یہ پوچھتا کہ دروازہ کھول کر نکلنا ہے یا دیوار پھلانگ کر؟ ایک دن سلطان نے اپنے وزیرِاعظم، حکیم الدین کو بلایا اور کہا: “وزیر…
سچے موتی اور سخی کسان
کسی پرانے زمانے میں ایک سرسبز و شاداب وادی میں “احمد” نام کا ایک غریب کسان رہتا تھا۔ احمد مٹی سے جڑا ہوا ایک محنتی اور صابر انسان تھا، جس کے پاس دنیا کی دولت تو زیادہ نہیں تھی، لیکن اس کا دل بہت بڑا اور سخی تھا۔ وہ روزانہ صبح سویرے اٹھتا، اپنے کھیتوں میں ہل چلاتا اور جو کچھ بھی اللہ اسے دیتا، اس میں سے غریبوں اور مسافروں کا حصہ ضرور نکالتا تھا۔ایک شام جب سورج ڈوبنے کو تھا اور کھیتوں پر اندھیرا پھیل رہا تھا، احمد اپنے ہل کو سمیٹ کر گھر جانے کی تیاری کر رہا تھا کہ اسے ایک بوڑھا مسافر زمین پر نڈھال پڑا دکھائی دیا۔ مسافر کے چہرے پر تھکن کے گہرے آثار تھے اور وہ بھوک پیاس سے بے حال لگ رہا تھا۔ احمد سے اس کی یہ حالت دیکھی نہ گئی۔ وہ فوراً دوڑ کر گیا، اپنے لانے والے کھانے…
بادشاہ کی آخری آزمائش
صدیوں پہلے کی بات ہے۔ ایک وسیع اور خوشحال سلطنت تھی جس کا نام نورآباد تھا۔ اس سلطنت پر سلطان زین العابدین حکومت کرتا تھا۔ سلطان نہایت انصاف پسند اور رعایا کا خیرخواہ تھا۔ اس کے محل کے دروازے ہر وقت ضرورت مندوں کے لیے کھلے رہتے تھے۔ سلطان کے تین بیٹے تھے: شہزادہ کامران، شہزادہ سلیم اور شہزادہ فہیم۔ تینوں شہزادے ذہین اور بہادر تھے، مگر ان کی طبیعتیں ایک دوسرے سے بہت مختلف تھیں۔ کامران کو اپنی دولت اور طاقت پر ناز تھا۔ سلیم اپنی خوب صورتی اور علم پر فخر کرتا تھا، جبکہ فہیم خاموش طبیعت، نرم دل اور سادہ مزاج تھا۔ سلطان اکثر سوچتا کہ اس کے بعد سلطنت کی ذمہ داری کس بیٹے کو سونپی جائے۔ وہ جانتا تھا کہ بادشاہ بننے کے لیے صرف بہادری یا علم کافی نہیں، بلکہ انسان میں انصاف، صبر، رحم اور سچائی بھی ہونی چاہیے۔ ایک دن سلطان نے…
تین حاسد
تین آدمی ایک ساتھ کسی سفر پر روانہ ہوئے۔ ان تینوں میں جو سب سے بڑا تھا اُس نے اپنے دونوں ساتھیوں سے پوچھا، “تم نے اپنا شہر کیوں چھوڑا اور سفر کی یہ مصیبت کیوں قبول کی ہے؟”اُس نے جواب دیا، “میں جس گاؤں میں رہتا تھا، وہاں ایسے ایسے واقعات رونما ہوتے تھے جنہیں میں برداشت نہیں کر پاتا تھا اور حد سے جل اٹھتا تھا اور مسلسل جلتا رہتا تھا۔ میں نے خیال کیا کہ دو تین روز کے لیے اپنے وطن کو چھوڑ دوں، شاید اس طرح ان واقعات کو دیکھنے سے محفوظ رہوں جو مجھ سے نہیں دیکھے جاتے۔”دوسرے نے کہا— “مجھے بھی یہی دکھ ستاتا تھا اور اسی لیے میں نے بھی اپنا وطن چھوڑ دیا۔”تیسرے نے کہا— “تم دونوں میری ہی طرح ایک سا دکھ رکھتے ہو۔ میں بھی اسی جلن میں جنگل کی طرف نکلا تھا۔”جب اُنہیں یہ معلوم ہوا کہ وہ…
بلاعنوان
ایمرجنسی کے زمانے میں، میں نے ایک مرتبہ کہہ دیا کہ ‘سرکار چور ہے’۔دوسرے دن پولیس اسٹیشن سے بلاوا آ گیا۔افسر نے مجھ سے پوچھا: ‘آپ نے کل رات کہا کہ سرکار چور ہے؟’میں نے کہا: ‘جی ہاں، بالکل کہا ہے۔’افسر نے کہا: ‘تمہاری ہمت کیسے ہوئی؟’میں نے بڑی معصومیت سے جواب دیا: ‘جناب، میں نے یہ تو نہیں کہا کہ ہندوستان کی سرکار چور ہے… کہ پاکستان کی سرکار چور ہے، امریکہ کی سرکار چور ہے یا برطانیہ کی سرکار چور ہے!’افسر مسکرایا، میری طرف دیکھا اور بولا: ‘اچھا! تم ہمیں بیوقوف سمجھتے ہو؟ ہمیں معلوم نہیں ہے کیا کہ سرکار کہاں کی چور ہے!’”- راحت اندوری.
نیکی کا عجیب معجزہ
پُرانے زمانے کی بات ہے۔ زاہد نامی ایک تاجر اپنی ایمانداری اور رحم دلی کے لیے مشہور تھا۔ ایک دن وہ اپنے اونٹ پر سوار ایک طویل سفر پر نکلا۔ راستے میں ایک عجیب بات نے اس کی توجہ اپنی طرف کھینچ لی۔ ایک خوبصورت نیلا پرندہ مسلسل اس کے اوپر اڑ رہا تھا۔ زاہد نے کئی بار اسے غور سے دیکھا، مگر پھر یہ سوچ کر آگے بڑھ گیا کہ شاید یہ محض اتفاق ہے۔ کچھ دیر بعد وہ ایک سنسان اور تپتے ہوئے صحرا میں پہنچ گیا۔ سورج آگ برسا رہا تھا اور ریت کے ذرے جیسے پاؤں جلا رہے تھے۔ اچانک زاہد کے مشکیزے کا آخری قطرہ بھی ختم ہوگیا۔ شدید پیاس سے اس کا گلا خشک ہونے لگا، آنکھوں کے سامنے اندھیرا چھانے لگا اور قدم لڑکھڑانے لگے۔ اسی لمحے اسے اوپر وہی نیلا پرندہ نظر آیا۔ پرندہ ایک پرانے کنویں کے اوپر چکر لگا رہا…