درویش اور حلوائی
ایک روز ایک صوفی جو بڑا متقی اور پرہیزگار تھا، ایک بازار سے گزرا۔ ایک حلوائی جو اس کا معتقد تھا، اس سے درخواست کی کہ وہ کچھ دیر کے لیے اس کی دکان میں آکر بیٹھے. درویش نے اس کی درخواست قبول کی اور وہاں آ بیٹھا. حلوائی نے عقیدتاً ایک طشتری میں تھوڑی مٹھائی پیش کی. مکھیوں نے جیسے ہی مٹھائی کو دیکھا اس پر منڈلانے اور بھنبھنانے لگیں. بعض طشتری کے آس پاس سہنہارہی تھیں، بعض اس کے کناروں پر بیٹھی تھیں اور بعض مٹھائی پر بیٹھنے لگیں. جب حلوائی نے دیکھا کہ مکھیاں حد سے زیادہ ستارہی ہیں تو اس نے پنکھا جھل کر انھیں اڑانا شروع کیا. جو مکھیاں طشتری کے کنارے بیٹھی ہوئیں تھیں فوراً اڑ گئیں اور دور چلی گئیں اور وہ جو طشتری کے بیچ مٹھائی پر بیٹھی تھیں ان کی ٹانگیں مٹھائی میں چپک گئیں اور انھوں نے اڑنا چاہا تو…
برگد کا درخت
یہ اُس زمانے کی بات ہے جب دلی برصغیر کی راجدھانی تھی، شہر کے گرد فصیل کھنچی ہوئی تھی، بلند دروازوں سے گزرنے کے لیے اجازت درکار ہوتی تھی اور دلی کی گلیوں میں قدم رکھنا بھی بہت سے لوگوں کے لیے ایک خواب ہوا کرتا تھا۔ انہی دنوں جنوبی پنجاب کے ایک چھوٹے سے گاؤں میں کریم بخش نام کا ایک حجام رہتا تھا۔ اسے اپنے فن میں مہارت تھی، مگر گاؤں چھوٹا تھا، گاہک محدود تھے اور آمدنی اتنی کم کہ گھر کا خرچ پورا کرنا بھی مشکل ہو جاتا۔ آخر ایک دن اس نے فیصلہ کیا کہ اب قسمت آزمانے دلی جائے گا۔ اس کے پاس چند سکے، استرے کا ایک جوڑا اور اپنے ہنر کے سوا کچھ نہ تھا۔ کئی دن کی مسافت، راستے کی تھکن اور طرح طرح کی دشواریوں کے بعد جب وہ دلی پہنچا تو اسے شہر کی بلند فصیل اور اس کے…
امیر تیمور
دنیا کی تاریخ میں اگر کوئی شخص صرف قبائلی سردار سے نکل کر دنیا کی سب سے بڑی زمینی سلطنت بنا گیا تو وہ چنگیز خان تھا اس کی سلطنت بحر الکاہل سے لے کر یورپ کے دروازے تک تھی تقریباً ڈھائی کروڑ مربع کلومیٹر اور بھی بہت لوگ نکلے ہیں سلطنت عثمانیہ ارطغرل اور عثمان اور سلطان اورحان نے بھی چھوٹے قبیلے سے بڑی ریاست بنائی تھی لیکن چنگیز خان جتنی جلدی اور قانونی بنائی تھی حضرت عمر فاروق رض کی علاوہ بہت کم لوگوں نے بنائی ہے لوگ اکثر چنگیز خان کو صرف تلوار اور طاقت تک محدود کرتے ہیں میں نے منگولوں پر بہت تحقیق کی ہے اصل میں اس کا راز صرف تلوار نہیں تھا اس کا راز نظم و ضبط چست و چالاکی تیزی و جاسوسی تھا چنگیز خان نے دیکھا کہ منگول قبائل آپس میں لڑ کر مر رہے ہیں ہر قبیلہ الگ ہر…
انصاف
ایک شیر نے دس بھیڑیوں کی نگرانی کے لیے ایک چیتے کو مقرر کیا۔ شیر ہر روز ان کے لیے گوشت کے گیارہ ٹکڑے لاتا تھا۔ چیتا بڑی دیانت داری سے خوراک تقسیم کرتا۔ ایک ٹکڑا اپنے لیے رکھتا اور باقی دس ٹکڑے دس بھیڑیوں میں برابر برابر بانٹ دیتا۔ نہ کسی کے ساتھ زیادتی، نہ کسی کو خصوصی رعایت، اور نہ ہی کسی کی حق تلفی۔ کچھ دن گزرے تو بھیڑیوں کے درمیان سرگوشیاں شروع ہو گئیں۔ ایک بھیڑیے نے کہا:”آخر چیتے کو ہم جتنا ہی حصہ کیوں ملتا ہے؟“ دوسرا بولا:”وہ کرتا ہی کیا ہے؟ بس گوشت تقسیم کرتا ہے!“ تیسرے نے کہا:”ہم دس ہیں اور وہ اکیلا۔ اگر ہم اسے یہاں سے نکال دیں تو خوراک کی تقسیم کا فیصلہ خود کر سکتے ہیں۔“ چیتے نے ان کی باتیں سن لیں، لیکن اپنے اصولوں پر قائم رہا۔ اسے یقین تھا کہ جب وہ سب کے ساتھ انصاف…
تین داماد اور تین تحفے…
ایک خاتون یہ جاننا چاہتی تھیں کہ اسے کے دامادوں میں سے کون اسے زیادہ پیار کرتا ہے۔ وہ کنویں پر پانی بھرنے گئی۔ بڑا داماد کنویں کے پاس ہی کھڑا تھا۔ اس نے کنویں میں چھلانگ لگا کر چلانا شروع کر دیا۔ بڑے داماد نے کنویں میں کود کر اسے بچا لیا۔ اگلی صبح داماد اٹھا تو اس کے صحن میں ایک بھینس بندھی ہوئی تھی جو اس کی ساس کی طرف سے اس کیلئے تحفہ تھا۔ کچھ دن بعد وہ دوبارہ کنویں پر گئی تو درمیان والا داماد قریب ہی موجود تھا۔ ساس نے خود کو کنویں میں گرا لیا اور بچاؤ بچاؤ چلانے لگی۔ درمیان والے داماد نے مشکل سے اسے بچایا۔ اگلے دن جب وہ بھی سو کر اٹھا تو اس کے صحن میں موٹر سائیکل کھڑی تھی جو داماد کیلئے ساس کی طرف سے تحفہ تھا۔ کچھ دن بعد ساس نے سب سے چھوٹے داماد…
بیٹا
ایک بیس بائیس سالہ نوجوان ہائپر سٹار میں داخل ہوا اور کچھ خریداری کر ہی رہا تھا کہ اسے محسوس ہوا کہ ایک خاتون اس کا تعاقب کر رہی ہے، مگر اس نے اسے اپنا شک سمجھتے ہوئے نظر انداز کیا اور خریداری میں مصروف ہوگیا۔ لیکن وہ عورت مسلسل اس کا پیچھا کر رہی تھی۔ اب کی بار اس نوجوان سے رہا نہ گیا۔وہ خاتون کی طرف مڑا اور پوچھا: خیریت ہے؟عورت: بیٹا آپ کی شکل میرے مرحوم بیٹے سے بہت زیادہ ملتی جلتی ہے۔میں نہ چاہتے ہوئے بھی آپ کو اپنا بیٹا سمجھتے ہوئے آپ کے پیچھے چل پڑی۔عورت نے یہ کہا اور اس کی آنکھوں سے آنسو بہنا شروع ہوگئے۔نوجوان: کوئی بات نہیں امی جی آپ مجھے اپنا بیٹا ہی سمجھیں۔عورت: بیٹا کیا ایک دفعہ پھر آپ مجھےامی جی کہو گے؟نوجوان نے اونچی آواز سے کہا جی امی جی……لیکن خاتون نے گویا نہ سنا ہو۔نوجوان نے پھر…
ایک مچھیرے کی کہانی
ایک دفعہ کا ذکر ہے کہ ایک غریب مچھیرا تھا۔ وہ اپنی چھوٹی سی دنیا میں خوش اور مطمئن رہتا تھا۔ مچھلیاں پکڑتا، اپنے گھر والوں کے ساتھ وقت گزارتا اور اللہ کا شکر ادا کرتا۔ اس کی قناعت کا یہ عالم تھا کہ جب تک پچھلی پکڑی ہوئی مچھلی ختم نہ ہو جاتی، وہ دوبارہ شکار کے لیے نہ جاتا۔ ایک دن اس کی بیوی مچھلی صاف کر رہی تھی کہ اچانک مچھلی کے پیٹ سے ایک چمکتا ہوا موتی نکلا۔ وہ خوشی سے پکار اٹھی: “سرتاج! جلدی آئیے، دیکھیے اللہ نے ہمیں کیا عطا کیا ہے!” مچھیرے نے موتی دیکھا تو حیران رہ گیا۔ وہ اسے لے کر محلے کے سنار کے پاس پہنچا۔ سنار نے موتی دیکھتے ہی کہا: “بھائی! یہ کوئی معمولی موتی نہیں۔ میری ساری دولت بھی اس کی قیمت ادا نہیں کر سکتی۔ تم اسے دوسرے شہر کے بڑے سنار کے پاس لے جاؤ۔”…
آدھی خوشی
کسی زمانے میں ایک بادشاہ کے دربار میں ایک گویا (گانے والا) رہتا تھا، جس کی آواز انتہائی دلکش تھی۔ بادشاہ کو اس کی آواز اتنی پسند تھی کہ وہ ہر روز اس کے گیت سنا کرتا تھا۔ اس گویے نے اپنے پاس ایک ذہین غلام کی پرورش کی تھی اور اسے گانے بجانے کی تمام فنکارانہ تعلیم دی تھی۔ کچھ ہی دنوں کی محنت کے بعد وہ غلام اپنے استاد سے بھی آگے نکل گیا اور موسیقی میں کمال حاصل کر لیا۔جب بادشاہ کو اس غلام کی قابلیت کا علم ہوا تو اس نے اسے اپنے سامنے بلایا، اس کا گانا سنا اور اس پر بہت مہربان ہو گیا۔ نوبت یہاں تک پہنچی کہ وہ غلام بادشاہ کا خاص درباری اور مصاحب بن گیا۔ بادشاہ اب ہر وقت اسی غلام کے گیت سننے لگا اور روز بروز اس کی عزت اور مرتبے میں اضافہ کرنے لگا۔اپنے شاگرد کی…
درخت کی گواہی
ایک شہر میں دو دوست رہتے تھے، مکار چند اور بھولا رام۔ مکار چند بہت چالاک مگر دھوکے باز تھا، جبکہ بھولا رام سادہ لوح اور بھروسہ کرنے والا تھا۔ ایک دن سفر کے دوران انہیں ایک تھیلا ملا جس میں بہت سی اشرفیاں تھیں۔ مکار چند نے کہا: “تجارت کی کیا ضرورت؟ یہ دولت کافی ہے۔ بہتر ہے اسے کسی محفوظ جگہ دفن کر دیں اور ضرورت کے وقت نکالتے رہیں۔” بھولا رام نے اس کی بات مان لی۔ دونوں نے ایک بڑے درخت کے نیچے اشرفیاں دفن کر دیں اور اپنے گھروں کو چلے گئے۔ لیکن مکار چند کے دل میں کچھ اور تھا۔ اسی رات وہ چپکے سے وہاں پہنچا، ساری اشرفیاں نکال کر اپنے گھر لے گیا۔ کچھ دن بعد بھولا رام کی رقم ختم ہوگئی تو وہ مکار چند کے پاس آیا: “چلو، درخت کے نیچے سے کچھ اشرفیاں نکال لیتے ہیں۔” دونوں وہاں پہنچے…
ہر مفت ملنے والی چیز نعمت نہیں ہوتی
جنگل کے مغربی کنارے پر ایک وسیع و عریض خطہ تھا جسے وادیِ سبزہ کہا جاتا تھا۔ وہاں کے درخت باقی جنگل سے زیادہ گھنے، چشمے زیادہ شفاف اور زمین زیادہ زرخیز تھی۔ دور دور سے جانور وہاں آتے، کچھ دن قیام کرتے اور پھر اپنے ٹھکانوں کو لوٹ جاتے۔ مگر ایک دن اس وادی پر ایسی خاموشی اتری کہ پرندوں کے گیت رک گئے، چشموں کے کنارے آباد رہنے والے جانور اپنے بلوں میں تڑپنے لگے اور دیکھتے ہی دیکھتے جنگل کی سب سے آباد وادی موت کی وادی بننے لگی۔ پہلے چند جانور بیمار ہوئے، پھر درجنوں، پھر سینکڑوں۔ کسی کو شدید بخار چڑھتا، کسی کا پیٹ پھول جاتا، کوئی چلتے چلتے زمین پر گر پڑتا۔ کئی دنوں کے اندر اندر وادی کے آدھے سے زیادہ جانور مر چکے تھے، جبکہ باقی زندگی اور موت کے درمیان جھول رہے تھے۔ حیرت انگیز بات یہ تھی کہ اتنی بڑی…
اختیار اگر خدمت کے بجائے لوٹ مار کا ذریعہ بن جائے تو محافظ اور لٹیرا پہچانے نہیں جاتے
جنگل میں دو بھیڑیے ایسے تھے جنہیں شاہی فرمان کے تحت جنگل کی حفاظت پر مامور کیا گیا تھا۔ ان کے پاس سرکاری مہر تھی، کمر پر شاہی نشان آویزاں تھا اور چال میں ایسا رعب کہ جنگل کی پگڈنڈی پر چلتے تو خرگوش راستہ بدل لیتے، ہرن دور سے ہی جھاڑیوں میں جا چھپتے اور بندر درختوں کی اوٹ سے انہیں گزرتا دیکھتے۔ ان کی ذمہ داری تھی کہ کمزوروں کی حفاظت کریں، ظالموں کو روکیں اور جنگل کے باشندوں کے جان و مال کو محفوظ رکھیں، مگر وقت گزرنے کے ساتھ انہوں نے حفاظت کے مفہوم ہی کو بدل ڈالا۔ اب ان کے نزدیک جنگل کی حفاظت کا مطلب یہ تھا کہ جنگل میں جو کچھ بھی اچھا کھانے کو ملے، وہ ان کی دسترس سے باہر نہ رہے۔ کسی درخت کے نیچے پھلوں کی ریڑھی لگی ہوتی تو وہ وہاں جا پہنچتے؛ کسی تالاب کے کنارے مچھلیوں…
اعمال کا صلہ
بہت پرانے زمانے کی بات ہے۔ ایک شہر میں ایک دولت مند تاجر رہتا تھا۔ دولت کی فراوانی نے اس کے دل کو سخت کر دیا تھا۔ اسی شہر میں ایک بیوہ عورت رہتی تھی جسے اس کے مرحوم شوہر کی تھوڑی سی زمین اور ایک چھوٹا سا گھر وراثت میں ملا تھا۔ وہی اس کی کل متاع تھی، وہی اس کی امید تھی، اور وہی اس کی زندگی کا سہارا۔تاجر کی نظر اس زمین پر پڑی تو لالچ جاگ اٹھا۔ اس نے جعلی کاغذات تیار کروائے، جھوٹے گواہ کھڑے کیے اور آخرکار وہ بیوہ کی زمین اور گھر دونوں ہتھیا گیا۔ بیوہ نے بہت فریاد کی، لوگوں کے دروازے کھٹکھٹائے، مگر دولت کے سامنے اس کی آواز دب گئی۔ آخر ایک شام وہ اپنے ویران گھر کے کھنڈرات کے سامنے کھڑی ہوئی، آسمان کی طرف دیکھا اور آنسوؤں کے ساتھ کہا: “اے میرے رب! آج میرا کوئی نہیں، مگر…
غیر سیاسی پوسٹ *بادشاہ، وزیر اور گیدڑوں کی دلچسپ کہانی* 😊
پرانے زمانے کی بات ہے۔ ایک بادشاہ نے رات کو گیدڑوں کی آوازیں سنیں تو صبح وزیر سے پوچھا: یہ گیدڑ رات بھر بہت شور و غل کر رہے تھے، کیا وجہ ہے؟ وزیر عقل مند تھا۔ اس نے کہا: جناب! کھانے پینے کی چیزوں کی کمی کی وجہ سے فریاد کر رہے تھے۔ حاکمِ وقت نے حکم فرمایا کہ ان کے کھانے پینے کا بندوبست کیا جائے۔ وزیر صاحب نے سارا مال اپنے گھر بھجوا دیا اور دوستوں، رشتہ داروں میں تقسیم کروا دیا۔ پھر رات کو وہی آوازیں آئیں۔ بادشاہ نے صبح وزیر صاحب سے فرمایا: وہ کل آپ نے سامان بھجوایا نہیں تھا؟ وزیر نے کہا: جی، بھجوایا تھا۔ بادشاہ نے پوچھا: تو پھر شور کیوں؟ وزیر نے کہا: جناب! سردی کی وجہ سے شور کر رہے تھے۔ حاکمِ وقت نے آرڈر فرمایا کہ بستروں کا انتظام کیا جائے۔ صبح وزیر صاحب کی موجیں لگ گئیں۔ پھر…
رب کی رحمت
سامان سے لدا ھوا ایک بحری جہاز محو سفر تھا کہ تیز ھواؤں کی وجہ سے وہ الٹنے لگا۔ قریب تھا کہ جہاز ڈوب جاتا، اس میں موجود تاجروں نے کہا کہ بوجھ ھلکا کرنے کیلئے کچھ سامان سمندر برد کرتے ھیں۔ تاجروں نے مشورہ کرکے طے کیا کہ سب سے زیادہ سامان جس کا ھو، وھی پھینک دیں گے۔ جہاز کا زیادہ تر لوڈ ایک ھی تاجر کا تھا۔ اس نے اعتراض کیا کہ صرف میرا سامان کیوں؟ سب کے مال میں سے تھوڑا تھوڑ پھینک دیتے ھیں۔ انہوں نے زبردستی اس نئے تاجر کو سامان سمیت سمندر میں پھینک دیا۔ قدرت کی شان کہ سمندر کی موجیں اس کے ساتھ کھیلنے لگیں۔ اسے اپنی ھلاکت کا یقین ھو گیا، جب ھوش آیا تو کیا دیکھتا ھے کہ لہروں نے اسے ساحل پر پھینک دیا ھے۔ یہ ایک غیر آباد جزیرہ تھا۔ جان بچنے پر اس نے رب کا…
بادشاہ کا فیصلہ
ایک بادشاہ نے ایک بے گناہ قیدی کے قتل کا حکم دے دیا۔ قیدی مایوسی کے عالم میں بادشاہ کو برا بھلا کہنے لگا۔ بادشاہ نے اسے بڑبڑاتے دیکھا تو وزیر سے پوچھا: “یہ کیا کہہ رہا ہے؟” وزیر نے جواب دیا: “حضور! یہ کہہ رہا ہے کہ معاف کرنے والوں کو اللہ پاک پسند فرماتا ہے۔” وزیر کی بات سن کر بادشاہ کا دل نرم پڑ گیا اور اس نے فوراً قیدی کی رہائی کا حکم دے دیا۔ ایک مصاحب نے فوراً کہا: “حضور! یہ آپ کو گالیاں دے رہا تھا، وزیر جھوٹ بول رہا ہے!” بادشاہ مسکرایا اور بولا: “وزیر کا وہ جھوٹ جو کسی کی جان بچا دے اور نیکی کی طرف لے جائے، تیرے اُس سچ سے بہتر ہے جو دلوں میں نفرت اور فساد پیدا کرے۔” سبق:ہر سچ بولنا ضروری نہیں، خاص طور پر وہ سچ جو کسی کی بھلائی کے بجائے فساد پیدا کرے۔…
دھوبی کا گدھا”
ایک جنگل میں ایک شیر خارش کے مرض میں مبتلا ہو گیا۔ علاج اور دواؤں کے باوجود اس کی بیماری دن بدن بڑھتی گئی اور وہ اتنا کمزور ہو گیا کہ اس میں شکار کرنے کی طاقت بالکل ختم ہو گئی۔ ایک لومڑی اس کی خدمتگار اور مصاحب تھی، جو شیر کے شکار کا بچا ہوا حصہ کھا کر اپنی گزر بسر کرتی تھی۔ جب شیر خود شکار کے قابل نہ رہا تو لومڑی بھی شدید پریشان ہوئی، کیونکہ اس کی روزی کا دارومدار بھی اسی پر تھا۔ایک دن ایک لومڑی شیر کے پاس آ کر کہا: “اے جہاں پناہ! آپ کی بیماری نے جنگل کے تمام جانوروں کو پریشان اور اداس کر دیا ہے۔ تمام رعایا کو آپ کی کمزوری کا احساس ہے، کہیں کوئی دوسرا جانور اس کا غلط فائدہ نہ اٹھا لے۔ آپ اپنی بیماری کا کسی اچھے طبیب سے علاج کیوں نہیں کرواتے؟”شیر نے آہ بھر…
نصیحت کرنا آسان ہے عمل کرنا مشکل ہے
کہتے ہیں، ایک دن ایک عقاب بلند فضا میں پرواز کر رہا تھا کہ اچانک اس کی نظر زمین پر پڑے ایک چوہے پر پڑی۔ چوہا ایک شکاری کے بچھائے ہوئے جال کے قریب منڈلا رہا تھا، جس کے اندر پنیر کا ایک ٹکڑا رکھا تھا۔ عقاب فوراً نیچے اترا اور چوہے سے کہنے لگا، ’’نادان! تمہیں نظر نہیں آتا کہ یہ تمہارے لیے موت کا پھندا ہے؟ ذرا سی لالچ تمہاری جان لے سکتی ہے۔ عقل سے کام لو، ہر چمکتی چیز فائدے کی نہیں ہوتی۔‘‘ چوہا اس کی نصیحت سن کر خاموشی سے وہاں سے نکل گیا۔عقاب ابھی اپنی دانائی پر ناز ہی کر رہا تھا کہ اچانک اس کے پاؤں ایک دوسرے جال میں الجھ گئے، جو شکاری نے پرندوں کو پکڑنے کے لیے بچھا رکھا تھا۔ اس نے پھڑپھڑا کر نکلنے کی کوشش کی، مگر جال مزید سخت ہوتا گیا۔ کچھ دیر پہلے دوسروں کو عقل…
جھوٹ، دھوکا اور مکاری وقتی طور پر کامیابی کا راستہ دکھا سکتے ہیں۔
ایک زمانے کی بات ہے۔ ایک شہر میں دو دوست رہتے تھے۔ دونوں نے تجارت کرنے کا ارادہ کیا اور ایک ساتھ سفر پر روانہ ہوئے۔ ان میں سے ایک نہایت عقل مند مگر حد سے زیادہ چالاک تھا۔ وہ اپنی چالاکیوں اور لوگوں کو دھوکا دینے کی عادت کی وجہ سے مکار چند کے نام سے مشہور تھا۔ دوسرا بہت سادہ لوح اور غافل تھا۔ وہ نفع اور نقصان میں بھی زیادہ فرق نہیں کر پاتا تھا، اس لیے لوگ اسے بھولا رام کہتے تھے۔ دونوں دوست کئی دن تک سفر کرتے رہے۔ راستے میں مختلف منزلیں طے کرتے ہوئے ایک دن انہیں اچانک ایک تھیلا نظر آیا۔ انہوں نے قریب جا کر دیکھا تو اس میں اشرفیوں کی بڑی مقدار موجود تھی۔ دونوں یہ خزانہ دیکھ کر بہت خوش ہوئے۔ کچھ دیر وہیں بیٹھ کر سوچتے رہے کہ اب کیا کرنا چاہیے۔ مکار چند نے کہا: “بھائی! کبھی…
تخت کا بوجھ
کہتے ہیں، کسی زمانے میں پہاڑوں، دریاؤں اور زرخیز میدانوں کے درمیان ایک ایسی سرزمین آباد تھی جہاں چھوٹی چھوٹی ریاستیں ایک دوسرے کے خون کی پیاسی تھیں۔ کہیں تخت کے لیے بھائی بھائی کا دشمن بنا ہوا تھا، کہیں زمین کے ایک ٹکڑے پر نسلیں لڑ رہی تھیں، اور کہیں ایک معمولی سردار اپنے چند گھڑ سواروں کے بل پر خود کو بادشاہ کہلواتا تھا۔ہر طرف تلواروں کی جھنکار تھی، گھوڑوں کی ٹاپیں تھیں اور ان ماؤں کی آہیں تھیں جن کے بیٹے میدانِ جنگ سے کبھی واپس نہیں آتے تھے۔انہی دنوں ایک نوجوان سپاہی شاہی فوج میں بھرتی ہوا۔ اس کے پاس نہ کوئی خاندانی نام تھا، نہ کسی رئیس کی سرپرستی اور نہ ہی دولت کے انبار۔ اس کی واحد پونجی اس کا عزم، اس کی تلوار اور اپنی صلاحیت پر بھروسا تھا۔ وہ ان سپاہیوں میں سے نہیں تھا جو حکم سن کر صرف سر جھکا…
فقیر اور گدھے کی کہانی
ایک دن وتایو فقیر اپنے گدھے پر لکڑیاں لاد کر شہر کی طرف جا رہا تھا۔ وہ خود بھی گدھے پر بیٹھا ہوا تھا۔ راستے میں کچھ لوگوں نے دیکھا اور ہنس کر کہا:“دیکھو یہ پاگل فقیر، خود بھی گدھے پر بیٹھا ہے اور لکڑیاں بھی گدھے پر لادی ہیں، بےچارہ گدھا مر جائے گا۔” وتایو نے یہ سنا تو فوراً گدھے سے اتر گیا اور پیدل چلنے لگا، گدھا خالی چل رہا تھا۔ آگے جا کر دوسرے لوگ ملے، وہ کہنے لگے:“دیکھو یہ کتنا بےوقوف ہے، گدھا خالی جا رہا ہے اور خود پیدل چل رہا ہے، بیٹھ کیوں نہیں جاتا؟” وتایو نے یہ سنا تو پھر گدھے پر چڑھ کر بیٹھ گیا۔ کچھ اور آگے گیا تو تیسرے لوگ ملے، وہ بولے:“اس ظالم کو دیکھو، خود بھی گدھے پر بیٹھا ہے اور لکڑیاں بھی اسی پر رکھی ہیں، کتنا ظلم کر رہا ہے بےزبان جانور پر۔” وتایو پریشان…



















