رفوگر
ایک بادشاہ نے ایک رفوگر رکھا ہوا تھا۔ وہ کپڑا نہیں باتیں رفو کرنے کا ماہر تھا۔ وہ بادشاہ سلامت کی ہر بات کی کچھ ایسی وضاحت کردیتا کہ سننے والے سر دھننے لگتے کہ واقعی بادشاہ سلامت نے صحیح فرمایا۔ایک دن بادشاہ سلامت دربار لگا کر اپنی جوانی کے شکار کی کہانیاں سنا کر رعایا کو مرعوب کر رہے تھے۔ جوش میں آکر کہنے لگے کہ ایک بار تو ایسا ہوا کہ میں نے آدھے کلومیٹر سے نشانہ لگا کر جو ایک ہرن کو تیر مارا تو تیر سنسناتا ہوا گیا اور ہرن کی بائیں آنکھ میں لگ کر دائیں کان سے ہوتا ہوا پچھلی دائیں ٹانگ کے کھر میں جا لگا۔بادشاہ کو توقع تھی کہ عوام داد دے گی لیکن عوام نے کوئی داد نہیں دی۔ وہ بادشاہ کی بات پر یقین کرنے کو تیار نہیں تھے۔ بادشاہ بھی سمجھ گیا کہ ضرورت سے زیادہ لمبی چھوڑ دی۔…
🌙 وہ حکمران جو اپنی رعایا کے بھوکے بچوں کے لیے خود کھانا پکانے لگا! 💔
رات کی تاریکی چھائی ہوئی تھی، مدینہ منورہ کی گلیاں خاموش اور سنسان تھیں۔ ہر طرف سکون کا عالم تھا، مگر ایک حکمران ایسا بھی تھا جو اپنے محل میں آرام کرنے کے بجائے اپنی رعایا کے حالات جاننے کے لیے رات کی تاریکی میں گلیوں کا چکر لگا رہا تھا۔ یہ کوئی عام حکمران نہیں تھے، بلکہ امیرالمؤمنین حضرت عمر فاروق رضی اللہ تعالیٰ عنہ تھے۔ گشت کرتے ہوئے ایک خیمے کے قریب پہنچے تو اندر سے بچوں کے رونے کی آواز سنائی دی۔ آپؓ کے قدم رک گئے۔ دل میں تشویش پیدا ہوئی اور آپؓ خیمے کے قریب چلے گئے۔ وہاں دیکھا کہ ایک عورت چولہے پر ہانڈی رکھے بیٹھی ہے، جبکہ اس کے معصوم بچے بھوک سے رو رہے ہیں۔ آپؓ نے پوچھا: “بہن! بچوں کو کیا ہوا ہے؟ یہ کیوں رو رہے ہیں؟” عورت نے جواب دیا: “یہ بھوکے ہیں، کئی وقت سے کچھ نہیں کھایا۔…
علم اور عقل کسی ایک طبقے یا عہدے کی میراث نہیں ہوتے
👑 ایک بادشاہ کو اپنی عقل پر اتنا غرور تھا کہ وہ سمجھتا تھا دنیا میں کوئی شخص اسے حکمت اور دانش میں شکست نہیں دے سکتا۔ لیکن ایک غریب لکڑہارے نے صرف تین جواب دے کر بادشاہ کا غرور خاک میں ملا دیا! ✨ بہت پرانے زمانے کی بات ہے۔ فارس کے ایک عظیم شہر پر ایک انصاف پسند بادشاہ حکومت کرتا تھا۔ اس کا نام شہزاد مراد تھا۔ وہ اپنی رعایا سے محبت کرتا تھا اور ہمیشہ کوشش کرتا تھا کہ کسی بے گناہ کے ساتھ ناانصافی نہ ہو۔ بادشاہ کے دربار میں بڑے بڑے عالم، دانش مند اور تجربہ کار وزیر موجود تھے۔ لیکن بادشاہ کو اپنی عقل پر بہت غرور تھا۔ وہ سمجھتا تھا کہ اس کے فیصلے ہمیشہ درست ہوتے ہیں اور کوئی شخص اسے عقل و دانش میں شکست نہیں دے سکتا۔ ایک دن بادشاہ نے پورے ملک میں اعلان کروایا: “جو شخص میرے…
🌊 فرعون کی آخری پکار اور حضرت جبرائیلؑ کا حیرت انگیز اقدام! 🌊
سمندر کی بلند ہوتی موجیں فرعون اور اس کے عظیم الشان لشکر کو نگل رہی تھیں۔ وہی فرعون جو اپنی طاقت، اقتدار اور غرور کے نشے میں خود کو خدا کہلواتا تھا، آج موت کو اپنے سامنے دیکھ کر بے بس ہو چکا تھا۔ جب اسے یقین ہوگیا کہ اب بچنے کا کوئی راستہ باقی نہیں رہا تو اس نے چیخ کر کہا: میں ایمان لاتا ہوں کہ کوئی معبود نہیں سوائے اس کے جس پر بنی اسرائیل ایمان لائے ہیں، اور میں بھی فرمانبرداروں میں سے ہوں۔ لیکن یہ ایمان کسی سچے احساسِ ندامت اور اختیار کے ساتھ اللہ کی طرف پلٹنے کا نتیجہ نہیں تھا، بلکہ موت اور عذاب کو سامنے دیکھ کر خوف و بے بسی میں کی جانے والی پکار تھی۔ 📖 حضرت جبرائیلؑ نے فرعون کے ساتھ کیا معاملہ کیا؟ جامع ترمذی میں منقول روایت کے مطابق، حضرت جبرائیلؑ نے بعد میں رسول اللہ ﷺ…
’’اجازت ہے!‘‘
ایک آدمی کی دو بیویاں تھیں۔ ایک روز وہ گھر آیا تو کسی بات پر اس کی ایک بیوی سے بحث و تکرار شروع ہو گئی۔ بات اتنی بڑھی کہ نوبت طلاق تک جا پہنچی اور اس نے غصے میں آ کر اپنی پہلی بیوی کو طلاق دے دی۔ دوسری بیوی اپنی سوکن کی حمایت میں شوہر سے الجھ پڑی اور اسے برا بھلا کہتے ہوئے بولی: ’’یہ تم نے کیا کر دیا؟ بھلا کوئی اتنی سی بات پر بھی اپنی بیوی کو طلاق دیتا ہے؟‘‘ شوہر پہلے ہی غصے میں بھرا بیٹھا تھا۔ دوسری بیوی کی باتیں سن کر اس کا پارہ مزید چڑھ گیا اور اس نے اسے بھی طلاق دے دی۔ یہ سارا منظر پڑوس میں رہنے والی ایک خاتون دیوار کے اوپر سے جھانک کر دیکھ رہی تھی۔ جب اس نے یہ سب دیکھا تو وہیں سے چیخ کر بولی: ’’او بے غیرت انسان! کوئی ایسے…
ابو لہب کی بیٹی
ابو لہب کی ایک بیٹی تھی، جس کا نام دُرّہ تھا۔ جی ہاں! یہ وہی صحابیہ دُرّہ بنتِ ابو لہب رضی ﷲ عنہا تھیں، جو رسول ﷲ ﷺ کی چچا زاد بہن تھیں۔ وہ اسلام لے آئیں، حالانکہ ان کے والد ابو لہب تھے اور والدہ اُمِّ جمیل (حَمّالَۃُ الحَطَب) تھیں، جن کے بارے میں قرآنِ مجید میں مذمت نازل ہوئی۔ ان کے دونوں بھائی عُتبہ اور عُتیبہ بھی کفر میں بہت آگے تھے۔ دُرّہ رضی ﷲ عنہا نے اپنے خاندان کے ظلم و ستم سے بچنے کے لیے مدینہ منورہ کی طرف ہجرت کی۔ وہ پہلے سے شادی شدہ تھیں۔ زمانۂ جاہلیت میں ان کا نکاح ایک مشرک شخص حارث بن عامر بن نوفل بن عبد مناف سے ہوا تھا، جو غزوۂ بدر میں مارا گیا۔ اس سے ان کے تین بیٹے بھی تھے۔ پھر ﷲ تعالیٰ نے ان کے اسلام قبول کرنے کے بعد انہیں پہلے سے بہتر…
قیاس آرائی,,,,,,,,
ایک دوکاندار نے ایک خوبصورت طوطا پال رکھا تھا۔ اس خوش آواز سبز رنگ کے طوطے سے اس دوکاندار کو بہت محبت تھی۔ یہ بلبل ہزار داستان اپنی دلریب باتوں سے گاہکوں کے دل بھی خوش کرتا تھا۔ اسے جو بات سکھا دی جاتی فوراً سمجھ جاتا تھا۔ مالک کی غیر موجودگی میں نہ صرف دوکان کی نگہبانی کرتا، بلکہ گاہکوں سے مزے مزے کی باتیں کرتا رہتا۔ راستے میں آنے جانے والے لوگ بھی اس کی سحر انگیز باتوں سے خوش ہوتے تھے۔ ایک دن دوکاندار کسی ضروری کام کے لیے کہیں گیا ہوا تھا کہ اچانک ایک بلی دوکان کے اندر گھس آئی اور ایک چوھے کے پیچھے بھگی، طوطے نے سمجھا آج میری خیر نہیں، اپنی جان بچانے کی خاطر دوکان میں آگئے….. پیچھے پھڑ پھڑانے لگا۔ اس سے چند روغن بادام کی شیشیاں نیچے گر کر ٹوٹ گئیں۔ دوکاندا واپس آیا تو ہر طرف تیل بکھرا…
حضرت موسیٰ علیہ السلام اور چرواہے کی حکایت
ایک مرتبہ کا ذکر ہے کہ حضرت موسیٰ علیہ السلام کہیں تشریف لے جا رہے تھے۔ راستے میں آپؑ کی نظر ایک چرواہے پر پڑی، جو اپنی سادہ لوحی اور والہانہ محبت کے باعث اپنے حال میں مست، اللہ تعالیٰ سے یوں مخاطب تھا: ’’اے میرے کریم اللہ! تو کہاں ہے؟ میرے پاس آ کہ میں تیرا خادم بنوں، تیرے جوتے سی دوں، تیرے سر میں کنگھی کروں، تیرے کپڑے سیوں اور انہیں دھوؤں۔ تیرے سر سے جوئیں نکالوں، تجھے بکریوں کا دودھ پلاؤں اور اگر تو بیمار ہو جائے تو تیری تیمارداری کروں۔ تیرے پیارے پیارے ہاتھ چوموں، تیرے نازک قدم دباؤں اور جب تیرے سونے کا وقت ہو تو تیرا بستر صاف کروں۔ اے میرے اللہ! تجھ پر میری جان قربان، میری ساری اولاد اور میرا تمام گھر بار تجھ پر قربان! کاش مجھے تیرے گھر کا پتا معلوم ہو جائے تو میں ہر روز صبح و شام…
شکستہ صراحی
ایک دفعہ کا ذکر ہے کہ ایک سلطان نے دریائے فرات کے کنارے اپنا خیمہ نصب کر رکھا تھا۔ اس علاقے کے لوگ سلطان سے بے پناہ محبت کرتے تھے۔ وہ ایک ایسی شخصیت کا مالک تھا جس نے نہ صرف اس سرزمین کو فتح کیا تھا بلکہ لوگوں کے دلوں میں بھی اپنی جگہ بنا لی تھی۔ لوگوں کی دلی خواہش تھی کہ یہ عظیم شخصیت انہیں پہچانے، ان سے محبت کرے اور ان کے خلوص کو قبول فرمائے۔ یہی وجہ تھی کہ وہ اکثر سلطان کی خدمت میں حاضر ہوتے اور اپنی استطاعت کے مطابق اسے قیمتی تحائف پیش کرتے۔ ایک روز جب امرا اور اہلِ ثروت سلطان کی خدمت میں بیش قیمت تحائف پیش کر رہے تھے، ایک غریب شخص بھی سلطان کے لیے کوئی تحفہ لے جانے کی خواہش دل میں لیے گھر سے نکلا۔ وہ چاہتا تھا کہ سلطان کو ایسا تحفہ پیش کرے جو…
نجاشی کا واقعہ
آپ نے نصابی کتابوں میں نجاشی اصحمہ بن ابجر کا واقعہ ضرور پڑھا ہوگا، مگر بہت کم لوگ جانتے ہیں کہ اس عظیم اور انصاف پسند بادشاہ کی زندگی بھی ایک حیرت انگیز اور سبق آموز داستان رکھتی ہے۔ یہ واقعہ تاریخی روایات خصوصاً سیرت ابن ہشام کے حوالوں سے نقل کیا جاتا ہے۔ حبشہ (موجودہ ایتھوپیا) کی سرزمین میں ایک بادشاہ حکمران تھا۔ اسی بادشاہ کے گھر ایک شہزادہ پیدا ہوا جس کا نام اصحمہ تھا۔ مگر اقتدار کی سازشوں نے اس معصوم زندگی کو بھی نہیں بخشا۔ کہا جاتا ہے کہ بادشاہ کو قتل کر دیا گیا اور تخت پر اس کے چچا قابض ہو گئے۔ بعد میں خوف اور سازش کے تحت یہ فیصلہ کیا گیا کہ کہیں شہزادہ بڑا ہو کر بدلہ نہ لے لے، اس لیے اسے محل سے نکال دیا گیا۔ یوں وہ شہزادہ حالات کی سختی میں ایک غلام کی طرح زندگی گزارنے…
ٹوٹی ہوئی پینٹنگ
ایک دفعہ کا ذکر ہے کہ ایک نامور مصور اپنی زندگی کا ایک شاہکار تخلیق کرنے میں مصروف تھا۔ پینٹنگ تقریباً مکمل ہو چکی تھی اور آخری مراحل میں تھی۔ یہ اس کی اب تک کی سب سے خوبصورت تخلیق تھی، جسے وہ ملک کی شہزادی کو شادی کے تحفے کے طور پر پیش کرنا چاہتا تھا۔ ایک روز موسم نہایت خوش گوار تھا۔ مصور اپنی اس شاہکار تخلیق کو لے کر ہوٹل کی بالکونی میں آ گیا تاکہ اسے آخری بار بغور دیکھ سکے اور اس کی نوک پلک مزید سنوار سکے۔ وہ اپنی تخلیق سے بے حد خوش تھا۔ پینٹنگ کو بہتر انداز میں دیکھنے کے لیے وہ چند قدم پیچھے ہٹا۔ اس کی نظریں مسلسل پینٹنگ پر جمی ہوئی تھیں اور اسے اپنے پیچھے موجود خطرے کا بالکل احساس نہ تھا۔ وہ آہستہ آہستہ پیچھے ہٹتا رہا، یہاں تک کہ عمارت کی بالکونی کے بالکل آخری کنارے…
جنگل کے مُردار خور
ایک دفعہ کا ذکر ہے کہ ایک گھنا اور سرسبز جنگل تھا، جہاں چھوٹے بڑے ہر طرح کے جانور آباد تھے۔ انواع و اقسام کے پھل دار درخت، بلند و بالا پہاڑ، شفاف جھرنے اور قدرتی حسن کے بے شمار نظارے تھے۔ غرض یہ کہ اللہ تعالیٰ نے جنگل کو ہر نعمت سے نواز رکھا تھا۔ اس جنگل پر ایک ہاتھی حکمران تھا۔ طاقت کے نشے میں بدمست، جب بھی اپنے ریوڑ کے ساتھ جنگل سے گزرتا، راستے میں آنے والی ہر چیز کو روندتا چلا جاتا۔ چھوٹے جانوروں کے گھر اجڑتے، درخت تباہ ہوتے اور کئی بے زبان مخلوق اس کی طاقت کی بھینٹ چڑھ جاتی۔ جنگل کے تمام جانور اس کے ظلم سے پریشان تھے، مگر کسی میں اتنی جرأت نہ تھی کہ اس کے خلاف آواز اٹھا سکے۔ سب اس کے رعب و دبدبے کے سامنے خاموش تھے۔ ایک روز ایک چیتا جنگل میں آیا۔ اس نے…
لکڑہارے کی ایمانداری (جدید😂)
دوسری دفعہ کا ذکر ہے کہ ایک ملک میں ایک امیر لکڑہارا رہا کرتا تھا۔ (وہ ملک پاکستان تھا، کیونکہ یہاں کے لکڑہارے ہی امیر ہو سکتے ہیں۔) اس لکڑہارے نے بھی وہ مشہور کہانی سن رکھی تھی جس میں ایک ایماندار لکڑہارے کو اس کی ایمانداری کے صلے میں ایک فرشتے نے سونے اور چاندی کے کلہاڑے انعام میں دیے تھے۔ ایک دن وہ لکڑہارا (چوری کی) لکڑیاں کاٹ رہا تھا کہ اچانک اسے خیال آیا کہ کیوں نہ وہ بھی اپنے پرانے ہم پیشہ لکڑہارے کی طرح ایمانداری کا مظاہرہ کرے اور سونے چاندی کے کلہاڑے انعام میں حاصل کرے۔ (لکڑہارا لندن والی چور پارٹی کا رکن بھی تھا، اس لیے لوٹ مار کے تمام ڈھنگ جانتا تھا۔) یہ خیال آتے ہی اس نے سب سے پہلے ایک ایسا درخت تلاش کرنا شروع کر دیا جس کے نیچے سے نہر گزرتی ہو۔ ایک دفعہ تو اسے خیال آیا…
مماثلت محض اتفاق ہوگی!
ایک دفعہ کا ذکر ہے کہ بھیڑیوں کے ایک جتھے نے بھیڑوں کے ریوڑ پر حملہ کیا اور چار بھیڑیں اٹھا کر لے گئے۔ اپنی بھوک اور پیاس مٹائی اور واپس جنگل چلے گئے۔ بھیڑوں میں خوب شور مچا۔ کچھ نے احتجاج کیا، کچھ نے مذمت کی اور کچھ سینگوں والی بکریوں کو آگے کر دیا کہ جاؤ، بڑے بھیڑیوں سے بات کرو۔ انہیں یاد دلاؤ کہ ہمارا آپس میں معاہدہ ہے۔ ہم وعدے کے مطابق آپ کی بھوک اور پیاس مٹانے کا بندوبست کرتے رہیں گے، لیکن اس کے لیے زبردستی ہماری بھیڑیں اٹھانا ضروری نہیں۔ بکریاں بھیڑیوں کے سرداروں کے پاس پہنچیں اور اپنا احتجاج ریکارڈ کروایا۔ پہلے تو بھیڑیوں نے ان کی بات پر کوئی توجہ نہ دی، لیکن جب شور کچھ زیادہ بڑھا تو ایک بوڑھے اور تجربہ کار بھیڑیے نے آگے بڑھ کر بڑے ہی سنجیدہ انداز میں کہا: ’’ہمیں اس واقعے پر افسوس ہے۔…
کینیڈا کی تاریخ کا سب سے خوفناک راز: بدنامِ زمانہ “پیگی پیلس” اور 49 خواتین کے قـ۔ـاتـ۔ـل کی لرزہ خیز داستان!
کیا آپ نے کبھی “Piggy’s Palace” (پیگی پیلس) کا نام سنا ہے؟ 1990ء کی دہائی میں کینیڈا کے شہر پورٹ کوکوٹلام میں سؤروں کے ایک بڑے فارم پر بنا یہ مقام بظاہر ایک تفریحی کلب اور پارٹی ہال لگتا تھا، جہاں ویک اینڈ پر محفلیں جمتیں، موسیقی بجتی اور بائیکر گینگز سمیت سیکڑوں لوگ جمع ہوتے تھے۔ لیکن ان رنگینیوں اور شور شرابے کے پیچھے انسانی تاریخ کی بدترین درنـ۔ـدگی چھپی ہوئی تھی!🔎 کھیل کا آغاز کیسے ہوا؟اس فارم کے مالک رابرٹ پکٹن اور اس کے بھائی نے ایک غیر رجسٹرڈ خیراتی تنظیم کے نام پر یہ پارٹی ہال بنایا تھا۔ دوسری طرف، قریبی شہر وینکوور کا “ڈاؤن ٹاؤن ایسٹ سائیڈ” علاقہ غربت، بے گھری اور مـ۔ـنشـ۔ـیات کا گڑھ تھا۔ 1990ء کی دہائی میں یہاں سے درجنوں غریب اور بے سہارا خواتین پراسرار طور پر غائب ہونا شروع ہوئیں، مگر پولیس نے ان گمشدگیوں کو سنجیدگی سے نہیں لیا۔🚨 شکار…
سوزانا اور بزرگ
1. سوسن کی پاکدامنی اور بزرگوں کی بری نظر بابل (Babylon) میں یوآقیم (Joakim) نامی ایک نہایت امیر اور معزز یہودی شخص رہتا تھا۔ اس کی بیوی کا نام سوسن (Susanna) تھا جو کہ انتہائی خوبصورت، پرہیزگار اور خدا ترس خاتون تھیں۔ یوآقیم کے گھر کے ساتھ ایک بڑا اور خوبصورت باغ تھا جہاں شہر کے لوگ اور جج اکثر کاروباری یا قانونی معاملات کے لیے جمع ہوتے تھے۔ اس سال قوم کے دو بوڑھے جج (جنہیں بزرگ یا Elders کہا جاتا ہے) مقرر کیے گئے تھے۔ یہ دونوں بزرگ بظاہر دیندار اور منصف تھے، لیکن اندر سے بدعنوان اور بدنیتی کا شکار تھے۔ وہ روزانہ سوسن کو باغ میں ٹہلتے ہوئے دیکھتے تھے اور ان کے دلوں میں سوسن کے لیے بری نیت پیدا ہو گئی۔ دونوں نے ایک دوسرے سے چھپ کر یہ خواہش رکھی، لیکن ایک دن جب انہوں نے ایک دوسرے کو باغ کے پاس ہی…
کمہار کی محنتی بیٹی
امریکہ میں ایک غریب شخص کمہار کا کام کیا کرتا تھا۔ اس کی ایک چھوٹی سی بیٹی تھی، جو بچپن ہی سے اپنے باپ کے پاس بیٹھ کر اسے کام کرتے ہوئے دیکھا کرتی تھی۔ جب وہ لڑکی چار برس کی ہوئی تو اس کے باپ نے ایک دلچسپ طریقہ اختیار کیا۔ وہ تھوڑی سی مٹی اپنی بیٹی کو بھی دے دیا کرتا تھا۔ لڑکی یہ مٹی پا کر بہت خوش ہوتی اور اس سے کھیلنے لگتی۔ ایک دو ہفتے گزرے تو لڑکی میں ایک نئی عادت پیدا ہوگئی۔ وہ اپنے باپ کی ہر حرکت کو غور سے دیکھنے لگی اور اس کے دیے ہوئے مٹی کے ٹکڑوں سے طرح طرح کی خوبصورت چیزیں بنانے لگی۔ وقت گزرنے کے ساتھ ساتھ اس کی ذہانت اور مہارت میں اضافہ ہوتا گیا۔ اب وہ نہ صرف خوبصورت چیزیں بناتی بلکہ نت نئی اور انوکھی چیزیں بھی ایجاد کرنے لگی۔ اس کا…
چھوٹی سی خوشی
💥مہینے کے آخری دنوں میں جب امی کبھی کسی اچھی چیز کی فرمائش کرتیں تو ابا یہی کہتے تھے کہ اگلی پنشن پر لے دوں گا۔💔🥹 راولپنڈی کے ایک چھوٹے سے ریسٹورنٹ میں اُس روز خاصی رونق تھی۔ باہر نومبر کی خنکی تھی اور اندر مٹن کڑاہی کے تڑکے کی خوشبو فضا میں پھیلی ہوئی تھی۔ ہم تین دوست کھانے کا آرڈر دے کر بیٹھے تھے۔ دو میزیں چھوڑ کر ایک بوڑھے میاں بیوی بیٹھے تھے۔ دونوں کے چہروں پر عمر کی تھکن تھی۔ خاتون نے اپنے شوہر کے سامنے رکھا پانی کا گلاس اٹھایا، ایک گھونٹ لیا اور دھیرے سے بولیں۔ ’’آج پتا نہیں کیوں، بڑی شدت سے مٹن کڑاہی کھانے کو دل چاہ رہا ہے۔‘‘ بوڑھے میاں نے مینو پر ایک نظر ڈالی۔ پھر اپنی جیب سے بٹوا نکالا، اسے کھولا اور کچھ دیر نوٹ گنتے رہے۔ ’’اچھا، آج دال کھا لیتے ہیں۔ اگلے مہینے پنشن ملے گی…
ٹوپی
جنگل میں شیر نے حکم جاری کر دیا کہ آج سے ہر سینئر جانور جونیئر جانور کو چیک کر سکتا ہے بلکہ سزا بھی دے سکتا ہےجنگل میں شیر نے حکم جاری کر دیا کہ آج سے ہر سینئر جانور جونیئر جانور کو چیک کر سکتا ہے بلکہ سزا بھی دے سکتا ہے باقی جانورں نے تو اسے نارمل لیا پر باندر نے خرگوش کو پکڑ لیا اور رکھ کے چپیڑ کڈ ماری اور پوچھا کہ ٹوپی کیوں نہیں پہنی خرگوش بولا سر میرے کان لمبے ہیں اس لیے نہیں پہن سکتاباندر نے کہا اوکے جاؤ اگلے دن فیر خرگوش چہل قدمی کر رہا تھا باندر نے اسے بلایا اور رکھ کے ایک کان کے نیچے دی اور پوچھا ٹوپی کیوں نہیں پہنی خرگوش نے روتے ہوے کہا سر کل بھی بتایا تھا کہ کان لمبے ہیں نہیں پہن سکتا باندر نے کہا اوکے گیٹ لاسٹ تیسرے دن فیر باندر…
سٹھیا گیا ہے بڈھا..😊😊😊
۔ایک صاحب گھر آئے تو بیگم نے کہا، ’ارے سنتے ہیں جی، پڑوسن ہمارے گھر آئی تھی اور ڈرائنگ روم میں لگی پینٹنگ اتار کر لے گئی اور اپنے ڈرائنگ روم میں لگا لی، واپس مانگ رہی ہوں تو دے نہیں رہی‘ صاحب نے لا پروائی سے فرمایا، ’ تو کیا ہوا؟ پینٹنگ دیوار پہ لگانے کی چیز ہے، اگر تھوڑی سے جگہ بدل گئی تو کیا مسئلہ ہے؟‘’دماغ درست ہے آپکا؟‘ بیگم چلائیں ’چوری کی ہے اس نے‘’توبہ توبہ بیگم، اتنی سی بات پہ تم کو پڑوسن کی ’نیت پہ شک‘ نہیں کرنا چاہیے، اس نے فقط دیوار ہی تو تبدیل کی ہے، کوئی پابندی تو نہیں نا کہ اسی دیوار پہ یہ پینٹنگ لگانی ہے‘ صاحب نے سمجھاتے ہوئے کہا. ’ارے آپ کواپنے ڈرائنگ روم اور پڑوس کے ڈرائنگ میں فرق نظر نہیں آرہا؟‘ بیگم نے جھنجھلا کرپوچھا’یہ بیکار کی بات ہے، ڈرائنگ روم تو ڈرائنگ روم ہوتا…


















